محاجب ساهل ماهل

السلام عليكم

يا احباب اللمة

حبيت نشاركم يهاد الوصفة اللي ان شاء الله تعجبكم بما انها عجبتني يزاااااااااااااااااف:thumb_up0 2::thu mb_up02:و عاونتني سيرتو كي تكون الوحدة خدامة ولا كانت عيانة مي لازم تقوم بيها كيما العادة:cray0 2:

صدقوني راني جربتها شحال من مرة و خرجت معايا :yahoo01 :

المقادير كيما موالفين تع المحاجب

سميد رطب+ فرينة +ماء و ملح الإضافة الجديدة هي خميرة الحلوى
اذن عندنا انا كيلت بيدي كيما دير ماما

درت 4 حفنات سميد رطب مع 1 حفنة فرينة + 1 كيس خميرة تع الحلوى

بلا ما ننسا الملح

كيما العادة نصير السميد مع الفرينة و نضيف كيس الخميرة
ثم بالجانب نضع الملح
نحلو بقليل من الماء
ثم نبدا نضيف فالماء بالشوية حتى يصبح عندي الخليط قابل للعجن يطرى مليح و نخليه يرتاح من 30 دقيقة حتى ساعة
كي نرجع للعجين نلقاه طري بلا ما نكون عييت رومي مع الدليك

صدقوني راني جربتها و نجحت فيها مع العلم اني نحب المحاجب بزاف مي كي نتفكر هاداك الدليك الي يتعب ما نديرهمش
حتي قالولي على هاد الوضفة
والله رائعة

بالصحة و الراحة