الى كل عروسة حديثة العهد بالزواج إليك ((ألف باء سعادة زوجية)
ألف باء السعادة الزوجية عروسة حديثة العهد بالزواج إليك
بعد ما شهر العسل خلص واتقفل عليكِ أنت وجوزك باب واحد.
.. فيه عيوب بدأت تظهر وكل يوم والتاني فيه خناقة ،بسبب مختلف..
وأنتِ دلوقت قاعدة بينك وبين نفسك عمالة تفكري وتقولي يا ترى هو ده الإنسان
اللي أنا حبيته واتجوزته وطبعا ندمانة على جوازك منه..
في الحالة دي ممكن تتصرفي إزاي ؟!
[ندعوك للتسجيل في المنتدى أو التعريف بنفسك لمعاينة هذه الصورة]
والأساسيات دي بنسميها "ألف باء السعادة الزوجية"..
والأساسيات دي هي..
[ندعوك للتسجيل في المنتدى أو التعريف بنفسك لمعاينة هذه الصورة]
الاساس الأول
شوفي جوزك بيحب إيه.. واعمليه
إيه المانع إنك تشوفي إيه الحاجة اللي جوزك بيحبها وتعمليها
حتى لو مش بتحبي الحاجة دي يعني مثلا "لو بيحب
السمك وأنت مش بتطيقي ريحته إيه المانع إنك تييجي على نفسك وتعمليه".
وصدقيني الحاجة دي مهما كانت بسيطة، فهي هتفرق معاه جد
ا؛ لأنه هيكون عارف إنك مش بتحبي الحاجة دي،
وعملتيها علشان ترضيه، فأكيد هيقدر إنك عملتِ الحاجة دي له
هو وبكده هيحبك أكتر وياريت كمان تشوفي هو بيكره
إيه وماتعمليهوش..
[ندعوك للتسجيل في المنتدى أو التعريف بنفسك لمعاينة هذه الصورة]الأساس الثاني
لا تكذبي
خلي دايما شعارك في حياتك الزوجية هو لا للكذب مهما كانت العواقب
وخليكِ دايما صريحة معاه في كل كبيرة وصغيرة.
عروسة حديثة العهد بالزواج إليك
الاساس الثالث
خليها في سرك
الحياة الزوجية دي لازم تكون سر بين الاتنين الزوج والزوجة فقط لا غير.
. علشان كده ياريت ما تتكلميش قدام حد نهائي
سواء كان من الأقارب أو المعارف عن عيوب زوجك.
واعرفي أن احترام الناس لجوزك هيتكون
من خلال كلامك عنه قدامهم، علشان كده ياريت ما تتكلميش
مهما كانت الظروف عن عيوب زوجك، وخليها في سرك؛ لأن مفيش حد خالِ من العيوب.
وياريت لو فيه عيوب وأنت مش حباها، ونفسك تغيريها فده
لازم يكون بذكاء شديد بعيدا عن النقد والسخرية؛
لأن الراجل الشرقي مش بيحب مراته تفضل تنتقد تصرفاته...
يعني مثلا تقولي له بأسلوب لطيف
إيه رأيك يا حبيبي لو تعمل كده؟ ده هيخليك تبقى أحسن..
وخليه دايما يحس إن حبك له، وخوفك عليه، هو اللي خلاكِ تقولي كده، وإنك عايزة تشوفيه في أحسن صورة.
واعرفي أنك لو أغمضتِ عينيك عن أخطاء زوجك الصغيرة،
فهو كمان هيغفر لك أخطاءك اللي ممكن تكون كبيرة.
عروسة حديثة العهد بالزواج إليك
الاساس الرابع
خليكِ مستمعة جيدة لجوزك
ياريت تكوني مستمعة جيدة لكل كلام جوزك
وقولي رأيك في كل اللي بيقوله بأسلوب كويس؛ لأن ده هيقربك منه جدا،
وهيخليه يقول لك على كل حاجة كبيرة وصغيرة في حياته
وتبقي أنت موضع كل أسراره، وده طبعا شيء كويس جدا
لأنك بكده هتكوني الشخص الوحيد اللي يلجأ إليه لما يتعرض لأي مشكلة.
ياريت كمان تكوني ذكية، وتعرفي.. امتى تتكلمي؟ وامتى تسكتي؟..
يعني لو لاقيتي جوزك راجع تعبان، وشكله فيه حاجة مضايقاه
ياريت في الوقت ده تسكتي نهائي، وبلاش تلحي عليه في السؤال..
مالك؟ مالك؟ لغاية ما يهدأ وهو اللي يبدأ يتكلم.
[ندعوك للتسجيل في المنتدى أو التعريف بنفسك لمعاينة هذه الصورة]الاساس الخامس
خليكِ فراشة في البيت
خليك مرحة في بيتك.. حاولي تدخلي السرور والبهجة إلى قلب جوزك،
وما تحاوليش تكسبي عطف جوزك بأنك كل ما تشوفيه
تقولي إنك تعبانة ومرهقة؛
لأن بصراحة أي راجل بيهرب من الست المتمارضة كثيرة الشكوى.
ويا ريت تحاولي ماتكونيش ست تقليدية في لبسك،
بأنك مثلا تظهرى
بنفس المظهر كل يوم.. يعني حاولي تغيري في لبسك
.. في تسريحة شعرك.. في طريقة كلامك.. حتى في أصناف الأكل اللي بتعمليها.
حاولي تجددي وتبتكري أنواعا جديدة غير اللي هو عارفها،
الاساس السادس
إياكِ والمقارنة
إوعي تقارني بين جوزك وأي راجل تاني مهما كان..
أو بين عيشتك في بيت أهلك وبين عيشتك في بيت زوجك،
وخليكِ دايما راضية باللي ربنا كتبهولك وبلاش ترهقيه بطلبات تفوق إمكانياته؛
لأن كده ممكن يمد إيده لحد علشان يحقق طلباتك..
وده علشان الملل ما يتسربش إلى قلبه.
وخليكِ عارفة إن الست الذكية هي اللي تنجح في كسر روتين الحياة اليومية
الاساس السابع
ما تدخليش حد بينكم
وده أهم أساس في العلاقة بين أي اتنين..
إن مفيش حد يدخل بينكم نهائي في أي خلاف يحصل،
وخلافاتكم تحلّوها بينكم وبين بعض..
ومفيش مانع إنك لو لاقيتيه غضبان وثائر أثناء الكلام
تسيبي الأوضة اللي هو فيها وتروحي أي مكان تاني لغاية ما يهدأ
وهتلاقيه هو اللي جاي يعتذر لك، ويقول لك حقك عليّ يا حبيبتي
وخلي دايما صوتك واطي أثناء أي خلاف بينك وبينه وفكري كويس
في كل كلمة بتقوليها ولو حسيتي إنك هتبدأي تغلطي
تسكتي وتسيبي الأوضة اللي هو فيها، وإوعي تطلبي الطلاق.
[ندعوك للتسجيل في المنتدى أو التعريف بنفسك لمعاينة هذه الصورة]الأساس الثامن
الدنيا يوم عسل ويوم بصل
خليكِ ست عاقلة واعرفي إن الدنيا مش ماشية على وتيرة واحدة
يعني هتلاقي يوم حلو ويوم وحش علشان كده اصبري
وكوني عوناً لجوزك وقت الشدة، واوعي تتخلي عنه وخليك دايما بجانبه.
[ندعوك للتسجيل في المنتدى أو التعريف بنفسك لمعاينة هذه الصورة]الاساس التاسع
استشيريه في كل حاجة
استشيري جوزك في كل حاجة تخصك
وفي كل خطوة قبل ما تعمليها..
خليه دايما يحس إنه هو صاحب القرار والرأي..
الاساس العاشر
اهتمي بأهله
إوعي تنسي إنك تهتمي بأهله، وتزوريهم دايما،
وتجامليهم في أي مناسبة
حتى لو كان هو مش فاضي أنت روحي واطمني عليهم؛
لأن الموضوع ده هيبسط جوزك جدا..عروسة حديثة العهد بالزواج إليكعروسة حديثة العهد بالزواج إليك
موضوع: الى كل عروسة حديثة العهد بالزواج إليك ((ألف باء سعادة زوجية) 
الإثنين أكتوبر 17, 2011 8:15 pm
