عجينة فطائر خيالية بمعنى الكلمة مع الحشوة ادخلي واحكمي بنفسك

السلام عليكم ورحمة الله وبركاته
اليوم راح اعرض عليكم عجينتي الخياليه
بدون مبالغه والله كل من ذاقها عندي اخذ طريقتها على طول
والبعض يفكر انها جاهزه من السوق
انا معتمدتها من اكثر من 12سنه
على قد ما جاء من اشكال والوان من العجائن بس زي هذي ما شفت
اولا طراوه وسهوله وسرعة في التخمير
ندخل في الموضوع على طول
المقادير:

3اكواب دقيق ابيض ويمكن اكثر شوي حسب الدقيق
2م ك خميره فوريه
م ك بيكنج بودر
م ص ملح
فنجان القهوه سكر
فنجان الشاي زيت
كوب حليب دافئ
نصف كوب ماء دافئ
الطريقه:
نخلط جميع المقادير في الخلاط عدا الدقيق والبيكنج بودر

ثم نضيفها الى الدقيق والبكنج بودر

ونعجنها زين اقل شيء 5دقائق

بعدها نغطيها ونتركها تخمر في مكان دافئ مدة 20 دقيقه فقط

بعدها قسمتها 3 اقسام قسمين سويت منه كورسان وهذي الصور توضح

ومهم جدا تترك بعد التشكيل ترتاح اقل شيء 5دقائق
ثم نخبزها في فرن حار على 200 درجه وما تاخذ اكثر من ربع ساعه في الفرن
هنا لمن طلعتها شوفوا كيف انتفشت

شوفوا من جوه كيف هشه

الان نجي للحشوه مره مره لذيذه جربوها ماراح تندموا
{حوريه على غفله}

المقادير:
حبه طماطم
حبه بصل
حبه فلفل بارد صغير
حبه فلفل حار صغير
حبة جزر
شوية ملح
شويه فلفل ابيض
3ملاعق كبيره مايونيز
الطريقه:
نضع جميع المقادير في القدر عدا المايونيز

نقلبها على النار بدون اي اضافات الين تنشف شوي بس ما تذبل

ثم نضيف المايونيز ونقلب

بعدها نبدا بشق الكورسان بهذا الشكل ونحشيه

هذي الكميه بعد ما خلصنها

وهذي البيتزا بنفس العجينه

اتمنى ردودكم

وصفة حلوة كثير و انشاء الله بجربها

» عجينة مورقة بالخردل
» وصفة سحرية لتخسيس الارداف في اسبوعين رشاقة خيالية
» فطائر التونة
» فطائر التونة
» فطائر السبانخ بالجبن