طريقة عمل مخدة الشبكة للعروسة -الخطوات سهلة اوى

الخامات
قماش اوركنزا او ستان او اي نوعية تحبيها باي لون يناسبك ممكن نقول متر منه كفاية وهيزيد ان شاء الله
[ندعوك للتسجيل في المنتدى أو التعريف بنفسك لمعاينة هذا الرابط]

عقد لولي اي حجم تحبيه واي لون هو كان تقريبا ب 4 جنيه الحجم الكبير لكن انا استخدمت صغير عشان كان عندي قديم
[ندعوك للتسجيل في المنتدى أو التعريف بنفسك لمعاينة هذا الرابط]

الاطار بتاع المخدة لو روحتي عند اي محل كلف هتلاقي كل الي قلبك يحبه .. فيه ورود زي بتاعي وفيه خرز وفيه دانتيل ...الخ انا جبت متر على اساس اعمل خدادية مقاسها 25 في25

[ندعوك للتسجيل في المنتدى أو التعريف بنفسك لمعاينة هذا الرابط]

وفايبر طبعا للحشو عشان اخف من القطن ودة بيتباع عند اي حد بتاع تنجيد قوليله عايزة فايبر للمخدات هيديكي كيس كبييير ب 15جنيه ودة الي فضل مني بقولكم يعمل 5 خداديات تاني واكتر كمان

[ندعوك للتسجيل في المنتدى أو التعريف بنفسك لمعاينة هذا الرابط]

]نيجي بقى للخطوات

اول حاجة نجيب القماش ونطبقه 4 طبقات لو قماش شفاف وطبقتين لو ستان مثلا ونجيب اي ورقة ونقصها مقاس 25X25 تقريبا او المقاس الي تحبيه يعني ممكن تكبري شوية لو شبكة دهب وحاجات كتيير مش بس دبل بس طبعا ماتكبريش قوي لدرجة مخدة تناموا عليها [ندعوك للتسجيل في المنتدى أو التعريف بنفسك لمعاينة هذا الرابط]

]نثبت الورقة على القماش الي طبقناه بالدبابيس ونرسم بقلم رصاص شكل الورقة وبعدين نسيب تقريبا 1سم للخياطة ونقص بعديه يعني القماشة هيبقى مقاسها بعد ماتتقص 26x26 معلش انا بشرح بطريقة مملة بس عشان مافيش صور للخطوات للاسف [ندعوك للتسجيل في المنتدى أو التعريف بنفسك لمعاينة هذا الرابط]

المهم بعد ماقصينا القماش بقى عندنا طبقات نفس المقاس ونبدأ نخيط الحواف كلها على الخط الي رسمناه ماعدا ناحية واحدة نسيب منها 3سم كدة عشان نعرف نحشي منها الفايبر

بعد مانخيط نروح قالبين القماش كأنك عملتي كيس وتبدأي تحشي الفايبر بحيث انه مايبقاش هيفرقع ولا كأنها فاضية يعني متوسط كدة وبعد مانخلص نقوم قافلين الفتحة الضغننة دي كأن محصلش حاجة [ندعوك للتسجيل في المنتدى أو التعريف بنفسك لمعاينة هذا الرابط]

ونفس الكلام هنعمله في خدادية اصغر منها الي هي الغطا ونقلل المقاس تقريبا 10 سم او اقل بردو حسب الاستخدام يعني لو دبل يبقى 10سم حلو ولو عايزاها لشبكة كاملة يبقى نقول مثلا 5سم اقل

نيجي بقى للاطراف كل واحدة بقى وزوقها يعني ممكن بالورد تخيطي بقى حواف الخدادية الكبيرة ولولي للصغيرة او ممكن الاتنين تعمليهم ورد يعني دة يرجع لزوق كل واحدة وخيالها المبدع وتتثبت بخياطة عادية

انا ثبت ورد للخداداية الكبيرة

[ندعوك للتسجيل في المنتدى أو التعريف بنفسك لمعاينة هذا الرابط]

وحطيت لولي للصغيرة

[ندعوك للتسجيل في المنتدى أو التعريف بنفسك لمعاينة هذا الرابط]

وساعتها اتبقى كام وردة روحت خيطتهم من فوق بس ممكن انتي تعملي فيونكة مثلا من الشرايط الساتان انا بصراحة كان نفسي اطرز اول حرف من اسامينا بس انا ماليش في التطريز للاسف [ندعوك للتسجيل في المنتدى أو التعريف بنفسك لمعاينة هذا الرابط]

وقبل بقى مانثبت الخدادية الصغيرة على الكبيرة نعمل اهم حاجة الجزء الصغير الي بيتحط فيه الخواتم

دة بقى ممكن لو مستعجلة تجيبي السفنجة دي الي موجودة في اي علبة خاتم قديم وتروحي تغلفيها بالقماش بتاعك عشان تبقى واحد

]او تعملي زيي عشان انا حنتوفة شويتين عملت شكل مخدة مستطيلة صغيرة قوي وحشيتها فايبر بردو وعملت منها 3 وحطيتهم جنب بعض وروحت لفيت شريط من باقي القماش حواليهم وخيطت عشان اثبت والمنظر في الآخر طلع كدة

[ندعوك للتسجيل في المنتدى أو التعريف بنفسك لمعاينة هذا الرابط]

وروحت عملت اربع غرز في الخدادية الكبيرة على شكل مربع نفس مقاس الحتة بتاعت الخواتم عشان اقدر اعملها مكان غويط تتثبت عليه لان من غير الغرز هتبقى المخدة بتاعت الدبل طالعة قوي فوق ومش هينفع تتغطى

وروحت ثبت المربع الصغنن بتاع الخواتم وثبت الخدادية الصغيرة بغرزة واحدة في الخدادية الكبيرة

[ندعوك للتسجيل في المنتدى أو التعريف بنفسك لمعاينة هذا الرابط]

والناحية التانية عملت فكرة الشريط الرفيع عشان تتربط منه وكان دة المنظر النهائي للمخدة

[ندعوك للتسجيل في المنتدى أو التعريف بنفسك لمعاينة هذا الرابط]

ودة من جوة

[ندعوك للتسجيل في المنتدى أو التعريف بنفسك لمعاينة هذا الرابط]

منقول للافادة